काठमाडौ २६ बैशाख ।
गत वैशाख १२ को विनाशकारी भूकम्पमा परी मृत्यु हुनेको संख्या ७ हजार ९ सय १२ पुगेको छ ।
गृह मन्त्रालयले दिएको जानकारी अनुसार घाइतेको संख्या १६ हजार ३७ पुगेको छ । हालसम्म १० हजार ७ सय ६१ वटा सरकारी र सर्वसाधारणका २ लाख ७९ हजार २ सय ५४ घर पूर्ण रुपमा क्षति भएको गृहमन्त्रालयले जनाएको छ ।
भूकम्पबाट सिन्धुपाल्चोकमा सबैभन्दा वढी ३ हजार ५७ जनाको ज्यान गएको छ । काठमाण्डौ उपत्यकामा मृतकको संख्य १ हजार २ सय २२ पुगेको छ ।यस्तै नुवाकोटमा ९ सय ७८ जना, धादिङमा ७ सय १८ जना, रसुवामा ४ सय ९१ जना, गोरखामा ४ सय १२ जना र काभ्रेमा ३ सय १७ जनाको मृत्यु भएको छ ।
भूकम्पबाट भक्तपुरमा ३ सय १५ मृत्यु जना, ललितपुरमा १ सय ७६ जना, दोलखामा ७५ जना, मकवानपुरमा ३३ जना, रामेछापमा २७ जना र सिन्धुलीमा ११ जनाको मृत्यु भएको गृहले जनाएके छ ।
भूकम्बाट दुई लाख ८८ हजार सात सय ९८ वटा निजी घर र १० हजार ७ सय ९० वटा सरकारी भवनलाई पूर्ण क्षतिग्रत भएको पनि मन्त्रालयले जनाएको छ । यस्तै, दुई लाख ५४ हजार १ सय १२ निजी र १४ हजार नौ सय ९७ वटा सरकारी भवनमा आंशिक क्षति पुगेको छ ।
