-
- बसन्तपुर क्षेत्रमा पुरिएका एक मानिस / तस्वीर वुद्धशरण शाही
-
- पानीका लागि लाईनमा बस्दै
-
- टुडिखेलमा जीवन
बैशाख १७ काठमाण्डौ । धेरै वर्षदेखि नै विज्ञहरुले काठमाण्डौं भूकम्पको जोखिममा छ । यहाको घर संरचना र जमिनमुनि पानी जान नसक्ने अवस्था एवं भित्रको भूमिगत पानीको स्रोत समाप्त पार्दा अझ समस्या हुन्छ भन्ने कुराहरु पहिले देखि नै सार्वजनिक भएकै थिए । तर यसमा सरकारले खास नीति बनाएर पूर्वाधार तथा घर निर्माणमा उपयुक्त अनुसन्धानका आधारमा नीति तयार गरेन । यसरी दीगो सोच नहुदा काठमाण्डौंमा भवनहरु जथाभावी निमार्ण भए । जीर्ण भएका संरचनाहरु यथावत राखिए । बाटोहरु धेरै तिर अझै पनि फराकिलो पार्न सकिएन । फलस्वरुप आज उपत्यका भित्रै मानिसहरुले ठूलो पीडा झेलिरहेका छन् । उपत्यकामा मृतकहरुको संख्या तुलनात्मक रुपले कम देखिए पनि जीवन पीडाका हिशाबले अब दशौं लाख मानिस ठूलो पीडामा देखिन्छन् ।
जता गयो उतै भत्किएको । मानिसहरु धेरैले अझै पनि आश्रय पाउन सकेका छैनन् । ठूलो संख्यामा मानिसहरु गाउ फर्किरहेका छन् ।
विश्व समुदायबाट राहत र उद्धारको कामहरुका लागि सहयोग आईरहेको छ । तर अझै पनि उद्धार तथा राहतका लागि दुर्गम क्षेत्रमा सरकार पुग्न सकेको छैन । यत्रतत्र उनीहरुले उठाईरहेका आवाजहरु सुन्दा अझै पनि सरकार कहा छ भन्ने अनुभुति हुन्छ नागरिकलाई । यो पीडादायी जीवन अब कहिले सम्म ? तत्काल राहत र पुनस्थापनाका लागि सरकार अझ गंभीर भएर लाग्नु पर्ने देखिन्छ । प्रचारमा आए जस्तो राहत नागरिकको हातमा छैन है ।
