पर्वत, ५ बैशाख ।
पर्वत जिल्लामा ३० प्रतिशत मानिसले मात्रै परिवार नियोजनका अस्थायी साधनहरु प्रयोग गर्दै आएका छन् ।
जिल्लामा परिवार नियोजनका साधनको प्रयोग गर्ने उमेर समुहका ब्यक्तिहरु ठुलो हिस्सा बिदेशमा हुनु तथा जनचेतनाको कमीले साधन प्रयोग गर्नेको दर बढ्न नसकेको हो ।
मुलुकभर परिवार नियोजनका साधन प्रयोग गर्नेको संख्या ४३ प्रतिशत रहेको छ तर पर्वतमा भने जम्मा ३० प्रतिशतले मात्रै प्रयोग गर्दै आएको जिल्ला स्वास्थ्य कार्यालय पर्वतले जनाएको छ ।
परिवार नियोजनका साधन प्रयोग गर्ने राष्ट्रिय दरभन्दा जिल्लाको दर थोरै रहेको कार्यालय प्रमुख डा.बिनोदकुमार गिरीले बताएका छन् ।
राष्ट्रिय दरसम्म पु¥याउनका लागि बिभिन्न कार्यक्रमहरु प्रभाबकारी रुपमा सञ्चालन गर्ने योजनामा रहेको उहाँको भनाई छ । पर्वत जिल्लाको ३० हजारभन्दा बढी जनसंख्या बिदेशमा छ ।
उमेर पुगेका पुरुष महिलाहरु बिदेशमा हुने तथा गाउँमा बृद्ध र बालबालिकाहरुको संख्या बढी भएकाले पनि प्रयोग गर्ने दर कम भएको कार्यालयको भनाई छ ।
