नयाँ दिल्ली, ५ बैशाख ।
इन्डियन प्रिमियर लिग (आइपिएल( मा शुक्रबार राति मुम्बई इन्डियन्सको लगातार चौथो हार भएको छ भने चेन्नई सुपर किंग्सले जितेको छ।
मुम्बईको घरेलु मैदानमा भएको खेलमा टस जितेर पहिले ब्याटिङ गरेको मुम्बईले निर्धारित २० ओभरको खेलमा ७ विकेट गुमाएर १८३ रन बनाएको थियो।
मुम्बईका लागि केइरन पोलार्डले सर्वाधिक ६४ रनको पारि खेले। यस्तै कप्तान रोहित शर्माले ५० रनको पारी खेलेका थिए। चेन्नईका लागि आशिष नेहराले ३ तथा ब्राभोले २ विकेट लिएका थिए।
१८४ रनको विजयी लक्ष्य लिएर मैदानमा आएको चेन्नईले ओपनर द्वाने स्मिथ र म्याकुलमको उत्कृष्ट सतकीय साझेदारीको सहयोगले १६।४ ओभरमा ४ विकेट गुमाएर भेट्टायो। चेन्नइका लागि स्मिथले ६२ तथा म्याकुलमले ४६ रन बनाए। यस्तै शुरेश रैनाले अभिजित ४३ रनको योगदान दिए।
मुम्बइका लागि हरबजन सिंहले २ तथा मालिंगा र पोलार्डले १(१ विकेट लिएका थिए। शुक्रबारको खेलसँगै आइपीएलमा राजस्तान रोयल चार खेलबाट शतप्रतिशत नतिजाका साथ शीर्ष स्थानमा छ।
यस्तै ४ खेलमा ३ खेलमा विजयी भएको चेन्नई दोस्रो स्थानमा छ। यता शुक्रबार पराजित मुम्बई भने सबै चार खेलमा पराजित हुँदै अंक तालिकाको पुछारमा छ।
