एजेन्सी २ बैशाख ।
क्यान्सर आफैमा जटिल रोग हो । यसले दुनियामा निकै ठूलो दुखः दिएको छ र मानिसहरु अझै पनि तर्सिने गर्दछन् । तर अहिले विकसित प्रविधिले यस माथि पनि जीत हासिल गर्दै गएको छ ।
पछिल्लो समय क्यान्सर समयमै पत्ता लगाउन व्यापक प्रयासहरु भईरहेको बेला वैज्ञानिकहरुले सासको परीक्षणबाट पेटको क्यान्सर पत्ता लगाउन सक्ने नया तरीका पत्ता लगाएका छन् ।
सासमा साना साना रासायनिक पदार्थ पत्ता लगाएर त्यसको आधारमा कुन व्यक्तिमा क्यान्सरको कति संभावना छ भनेर पूर्व लक्षणबारे जानकारी लिन सकिन्छ ।
यद्यपि यो शुरुवाती चरणमा रहेकाले आम रुपमा लागु भने भईसकेको छैन । विषेशज्ञहरुले यो बढी सफल भएमा शुरुवाती चरणमै क्यान्सर निको हुन सक्ने छ ।
यसको प्रमाणिकताका लागि अझै धेरै काम गर्न बाकी‘ रहेको गट जर्नलमा प्रकाशित अनुसन्धान लेखमा छापिएको छ ।
धेरै जसो विकसित देशमा समेत पेटको क्यान्सर ढिलो पत्ता लाग्छ , जतिखेर निको हुन कठिन भईसकेको हुन्छ ।
