काठमाडौँ। पत्रकार पक्राउ परेको घटनामा प्रधानमन्त्री कार्यालय तथा प्रधानमन्त्रीको सचिवालयको कुनै संलग्नता नरहेको प्रधानमन्त्री वालेन्द्र शाहको सचिवालयले प्रष्टीकरण दिएको छ।
समाचार कक्षमा सादा पोशाकका प्रहरी प्रवेश गरेर पत्रकार पक्राउ गरेको घटनाबारे प्रधानमन्त्रीलाई पूर्वजानकारीसमेत नभएको प्रधानमन्त्रीका प्रेस तथा अनुसन्धान विज्ञ दीपा दाहालले जानकारी दिइन्।
शुक्रबार साँझ सामाजिक सञ्जालमार्फत दाहालले भनिन्, “पत्रकार पक्राउ परेको घटनाप्रति सम्माननीय प्रधानमन्त्रीज्यू, उहाँको सचिवालय तथा प्रधानमन्त्रीको कार्यालयको कुनै पनि संलग्नता नरहेको र यसबारे पूर्वजानकारीसमेत प्राप्त नभएको स्पष्ट पारिन्छ।”
घटनाबारे जानकारी पाउनासाथ प्रधानमन्त्री शाहले नियन्त्रणमा लिइएका पत्रकारलाई तत्काल रिहा गर्न र समाचार कक्षमा प्रवेश गरी धरपकड नगर्न सम्बन्धित निकायलाई कडा निर्देशन दिइसकेको समेत सचिवालयले जनाएको छ।
