२८ असोज, २०८३ (१४ अक्टोबर, २०२६)
काभ्रेपलाञ्चोक।नेपालीहरूको महान् चाड बडादसैँको अवसरमा यात्रुहरूको आवागमन सुरक्षित र सहज बनाउन काभ्रेपलाञ्चोक जिल्लाभर दस दिनका लागि टिपर सञ्चालनमा पूर्ण रोक लगाइएको छ। जिल्ला प्रशासन कार्यालय काभ्रेले एक सूचना जारी गर्दै फूलपाती (असोज ३१ गते) देखि पूर्णिमा (कात्तिक ९ गते) सम्म जिल्लाभर कुनै पनि टिपर सञ्चालन गर्न नपाइने स्पष्ट पारेको छ।
जिल्ला सुरक्षा समितिको असोज २७ गते बसेको बैठकको निर्णयअनुसार सहायक प्रमुख जिल्ला अधिकारी एवं सूचना अधिकारी महेन्द्र विश्वकर्माद्वारा जारी सूचनामा दसैँका बेला बीपी राजमार्ग र अरनिको राजमार्गलगायत जिल्लाका प्रमुख सडकहरूमा सवारीसाधनको अत्यधिक चाप हुने भएकाले सम्भावित दुर्घटनाको जोखिम न्यूनीकरण गर्न यो कदम चालिएको उल्लेख गरिएको छ। चाडपर्वका बेला ग्रामीण तथा सहरी क्षेत्रमा आवतजावत गर्ने यात्रुहरूको सुरक्षालाई प्राथमिकता दिँदै प्रशासनले तोकिएको अवधिभर सबै किसिमका टिपर सञ्चालन नगरिदिन सम्बन्धित व्यवसायी तथा चालकहरूलाई आग्रह गरेको छ।
