काठमाडौँ।मारुती सुजुकी गाडीको आधिकारिक विक्रेता न्यान्सी अटोमोबाइल्स प्राइभेट लिमिटेड (Nancy Automobiles Pvt. Ltd.) र प्रभु बैंक लिमिटेडबीच सेवा सुविधामा विशेष छुट प्रदान गर्ने सम्बन्धी द्विपक्षीय सम्झौता भएको छ।
सम्झौता अनुसार प्रभु बैंकका कर्मचारी तथा तिनका परिवारजन, साथै बैंकका डेबिट तथा क्रेडिट कार्डवाहक ग्राहकहरूले न्यान्सी अटोमोबाइल्सबाट मारुती सुजुकीका विभिन्न मोडलका गाडीहरू खरिद गर्दा मोडल अनुसार अधिकतम रु. १,७५,००० (एक लाख पचहत्तर हजार) सम्म नगद छुट प्राप्त गर्नेछन्।
उक्त सम्झौता पत्रमा न्यान्सी अटोमोबाइल्सका तर्फबाट प्रबन्ध निर्देशक मधुकर शाह र प्रभु बैंक लिमिटेडका तर्फबाट सेन्ट्रल बिजनेश सेन्टरका प्रमुख लेख बहादुर पुनले संयुक्त रूपमा हस्ताक्षर गर्नुभएको हो। यो सम्झौता सन् २०२६ सेप्टेम्बर ०७ देखि प्रारम्भ भई सन् २०२७ सेप्टेम्बर ०६ सम्म (एक वर्षका लागि) कायम रहनेछ।
‘विश्वास लिन्छौँ, विश्वास दिन्छौँ’ भन्ने मूल नाराका साथ बैंकिङ सेवा प्रदान गर्दै आएको प्रभु बैंकले देशभर रहेका आफ्ना ३०० शाखा कार्यालय, २६२ एटिएम र ६६ एक्सटेन्सन काउन्टरमार्फत करिब ३८ लाखभन्दा बढी ग्राहकहरूलाई गुणस्तरीय वित्तीय सेवा प्रवाह गर्दै आइरहेको छ।
