महोत्तरी, १८ भदौः महोत्तरीको रामगोपालपुर नगरपालिकाले रसुवा बाढी प्रभावितलाई करिब ३१ लाख सहयोग गर्ने निर्णय गरेको छ ।

बाढी प्रभावितको राहत, उद्धार एवं पुनःस्थापनामा रु ३१ लाख ३५ हजार १३४ प्रधानमन्त्री दैवी प्रकोप उद्धार कोषमा दाखिला गर्ने निर्णय गरेकोे नगरपालिका प्रमुख रामदुलार साहले जानकारी दिनुभयो ।
“राहतका लागि नगर बजेटको आन्तरिक स्रोत, जनप्रतिनिधि, कर्मचारी र सामुदायिक विद्यालयका शिक्षकको योगदान रहेको छ”, नगरप्रमुख साहले भन्नुभयो, “यस्ता विपद्मा मन खोलेर सहयोग गर्न सबैपक्षसँग अपिल गरेका छौँ ।”

यसअघि गौशाला, बर्दिबास, भङ्गाहा, औरही र मटिहानी नगरपालिकाले बाढी प्रभावितको सहयोगका लागि रु ४७ लाख ५० हजार प्रधानमन्त्री दैवी प्रकोप उद्धार कोषमा पठाइसकेको जानकारी दिइएको छ । महोत्तरी जिल्लामा १० नगरपालिका र पाँच गाउँपालिका छन् ।

भोटेकोसी बाढीमा मृत्यु हुनेको संख्या १४ सय नाघ्यो, ६ हजारभन्दा बढी अझै बेपत्ता

प्रतिनिधिसभा नियमावली २०८३ का दुई विवादित प्रावधानविरुद्ध सर्वोच्चको अन्तरिम आदेश, कार्यान्वयनमा रोक

चिलिमे जलविद्युत् आयोजनाको सुरुङभित्र चार शव र मानव अङ्ग भेटियो

चामे–बेँसीसहर सडक अवरुद्ध

मन्त्रिपरिषद् बैठकका निर्णयः पराजुलीसहित चार जना विशिष्ट श्रेणीमा बढुवा

भोटेकोशी बाढीप्रभावितका लागि एनसेल कर्मचारीद्वारा ३३ लाख ५० हजार सहयोग