भोटेकोसी बाढीमा मृत्यु हुनेको सङ्ख्या १ हजार नाघ्यो, ११ हजार ८८४ जनाको सफल उद्धार
रसुवाको भोटेकोसी नदीमा आएको विनाशकारी बाढीका कारण मृत्यु हुनेको सङ्ख्या १ हजार ३ पुगेको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले मङ्गलबार दिउँसो १ बजे सार्वजनिक गरेको पछिल्लो विवरण अनुसार मृतकको सङ्ख्या एक हजार नाघेको हो।
बाढीले बगाएर ल्याएका शवहरूमध्ये सबैभन्दा बढी चितवनमा ३२१ वटा फेला परेका छन्। त्यसैगरी पूर्वी नवलपरासीमा २१६, पश्चिम नवलपरासीमा १७०, नुवाकोटमा ९५, गोरखामा ६५, धादिङमा ५७, रसुवामा ४१ र तनहुँमा ३८ जनाको शव फेला परेको प्राधिकरणले जनाएको छ।
प्राधिकरणका अनुसार बाढी प्रभावित क्षेत्रहरूबाट हालसम्म ११ हजार ८८४ जना नागरिकको सफलतापूर्वक उद्धार गरिएको छ भने ३ हजार ९ सय १६ जना अझै सम्पर्कविहीन रहेका छन्। बाढीमा परी घाइते भएका २७९ जनामध्ये १६८ जना अस्पतालमा उपचारपश्चात् डिस्चार्ज भइसकेका छन् भने बाँकीको विभिन्न अस्पतालहरूमा उपचार भइरहेको छ।
