काठमाडौँ।रसुवास्थित त्रिशूली र भोटेकोसीमा आएको भीषण बाढीका कारण पुगेको अकल्पनीय क्षतिपछि बाढीपीडितको उद्धार, राहत तथा पुनर्नस्थापनाका लागि नेपाली कलाकारहरूले धमाधम आर्थिक सहयोगको घोषणा गरिरहेका छन्। कलाकर्मीहरूले स्वतःस्फूर्त रूपमा ‘प्रधानमन्त्री दैवी प्रकोप उद्धार कोष’ मा सहयोग रकम जम्मा गर्दै देश तथा विदेशमा रहेका सर्वसाधारणलाई समेत सहयोगका लागि अपिल गरेका छन्।
-
मह जोडी (मदनकृष्ण श्रेष्ठ र हरिवंश आचार्य): रु. २ लाख (आफ्नो गच्छेअनुसार एकद्वार प्रणालीमार्फत सहयोग गर्न सबैमा अपिल)
-
विराज भट्ट (अभिनेता): रु. १ लाख ५१ हजार
-
नीता ढुंगाना (अभिनेत्री): रु. १ लाख
-
रचना रिमाल (गायिका): रु. १ लाख (अस्ट्रेलियामा हुने आफ्ना सम्पूर्ण सांगीतिक कार्यक्रम स्थगित गर्दै)
-
बेनिशा पौडेल (गायिका): रु. १ लाख
-
राष्ट्रिय लोक तथा दोहोरीगीत प्रतिष्ठान (केन्द्रीय समिति): रु. १ लाख (संस्थागत सहयोग)
-
शान्तिश्री परियार (गायिका): रु. ५० हजार
यसैगरी, अभिनेता अनमोल केसीले पनि रकमको आकारभन्दा सहयोगको भावना ठूलो हुने भन्दै सरकारी कोषमा रकम जम्मा गरेर सहयोगको अपिल गरेका छन्।
अभिनेत्री करिश्मा मानन्धर, अभिनेता दीपकराज गिरी, दयाहाङ राई, सुरक्षा पन्त, आँचल शर्माका साथै गायकहरू प्रमोद खरेल, शिव परियार, बद्री पंगेनी, अर्जुन सापकोटा, एलिना चौहान, समीक्षा अधिकारीलगायतले पनि व्यक्तिगत रूपमा राहत कोषमा सहयोग गर्दै देशविदेशमा रहेका नेपालीहरूलाई संकटको यस घडीमा हातेमालो गर्न अनुरोध गरेका छन्।
