‘नेपालको परराष्ट्र नीतिको केन्द्रमा आर्थिक कूटनीति’

“हाम्रो परराष्ट्र नीति जनताको जीवनस्तर सुधारसँग प्रत्यक्ष जोडिएको छ,” मन्त्री खनालले भने, “व्यापार, लगानी, रोजगारी, उद्यमशीलता, पर्यटन, प्रविधि, नवप्रवर्तन र दिगो विकासका अवसर सिर्जना गर्नु नै यसको मूल उद्देश्य हो। नेपाल दिगो, समावेशी र उत्थानशील विकासका लागि सबै मित्रराष्ट्रसँग सहकार्य गर्न तयार छ।”

“हाम्रो आकांक्षा नेपाललाई भूपरिवेष्ठित देशबाट चीन र दक्षिण एसियालाई जोड्ने जीवन्त र गतिशील पुलमा रूपान्तरण गर्नु हो।”

 जलविद्युत्, पर्यटन र ‘सफ्ट पावर’मा लगानीको आह्वान

• जलविद्युत् क्षमता: ४२ हजार मेगावाटभन्दा बढी आर्थिक रूपमा सम्भाव्य जलविद्युत् क्षमता।
• प्राकृतिक तथा जैविक विविधता: समृद्ध जैविक विविधता, प्रचुर जलस्रोत र उर्वर कृषि क्षेत्र।
• डिजिटल अर्थतन्त्र: विस्तारोन्मुख डिजिटल अर्थतन्त्र र नवप्रवर्तनका क्षेत्र।
• सांस्कृतिक सफ्ट पावर: भगवान् बुद्धको जन्मस्थल, गुरु पद्मसम्भवको आध्यात्मिक विरासत, सगरमाथा तथा विश्व सम्पदा सूचीमा सूचीकृत धरोहरहरू।