काठमाडौँ, २८ असार– इङल्यान्ड नर्वेलाई २–१ गोल अन्तरले पराजित गर्दै फिफा विश्वकप २०२६ को सेमिफाइनलमा प्रवेश गरेको छ।
आज बिहान सम्पन्न क्वार्टरफाइनल खेलमा इङल्यान्डका लागि जुड बेलिङघमले दुई गोल गरे। यस जितसँगै इङल्यान्ड आठ वर्षपछि विश्वकपको सेमिफाइनलमा पुग्न सफल भएको हो।
अर्कातर्फ, पहिलो पटक विश्वकपको क्वार्टरफाइनलसम्मको यात्रा तय गरेको नर्वे भने प्रतियोगिताबाट बाहिरिएको छ। खेलको ३६औँ मिनेटमा एन्ड्रियास स्केल्डरअपले गोल गर्दै नर्वेलाई सुरुवाती अग्रता दिलाएका थिए। तर, नर्वेले उक्त अग्रता जोगाउन सकेन।
अब इङल्यान्डले सेमिफाइनलमा अर्जेन्टिना र स्विट्जरल्यान्डबीच भइरहेको क्वार्टरफाइनल खेलको विजेतासँग प्रतिस्पर्धा गर्नेछ। हाल जारी उक्त खेलमा अर्जेन्टिना १–० गोलको अग्रतासहित अगाडि रहेको छ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
