काठमाडौँ। अर्जेन्टिनी कप्तान लियोनल मेसीले गएराति इजिप्टविरुद्धको खेलमा ऐतिहासिक प्रदर्शन गर्दै विभिन्न विश्व रेकर्डहरू आफ्नो नाममा लेखाएका छन्।
जारी विश्वकपमा उत्कृष्ट लयमा देखिएका मेसी हालसम्म ८ गोल गर्दै प्रतियोगिताकै सर्वाधिक गोलकर्ता बनेका छन्। इजिप्टविरुद्धको खेलमा थप १ गोल गरेसँगै मेसीले विश्वकप इतिहासमा सर्वाधिक गोल गर्ने आफ्नै सर्वकालीन रेकर्डलाई अझ फराकिलो बनाएका हुन्। अब विश्वकपमा उनको कुल गोल संख्या २१ पुगेको छ।
यसका साथै, मेसी विश्वकपका लगातार ९ खेलमा गोल गर्ने इतिहासकै पहिलो खेलाडी समेत बनेका छन्।
एउटै खेलमा सुखद र दुःखद रेकर्ड
कीर्तिमानकै बीच गएरातिको खेलमा मेसीको नाममा एउटा अप्रत्याशित र नकारात्मक रेकर्ड पनि थपिएको छ। मेसीले जारी विश्वकपमा आफूले पाएका लगातार दुई पेनाल्टीलाई गोलमा परिणत गर्न सकेनन्।
इजिप्टविरुद्धको खेलमा पेनाल्टी मिस गरे पनि उनले उत्कृष्ट पुनरागमन गर्दै टोलीका लागि महत्त्वपूर्ण गोल गरे र अर्जेन्टिनालाई जित दिलाए। यसअघि जारी विश्वकपको समूह चरणको खेलमा अष्ट्रियाविरुद्ध पनि मेसी पेनाल्टीमा गोल गर्न चुकेका थिए। पेनाल्टीमा केही कमजोर देखिए पनि उनको उत्कृष्ट खेल कौशल र नेतृत्वका कारण अर्जेन्टिनाले विश्वकपमा आफ्नो बलियो यात्रा कायमै राखेको छ।
