काठमाडौँ, ३० वैशाख । संघीय संसद् अन्तर्गत प्रतिनिधिसभाको बैठक आज बिहान ११ बजे बस्दैछ। आजको बैठकमा सरकारको आगामी आर्थिक वर्ष २०८३/०८४ को वार्षिक नीति तथा कार्यक्रममाथि छलफल हुने र प्रधानमन्त्रीले जवाफ दिने कार्यसूची रहेको छ।
बैठकमा प्रधानमन्त्री बालेन्द्र शाहले गत वैशाख २८ गते सोमबार राष्ट्रपति रामचन्द्र पौडेलद्वारा संसद्को दुवै सदनको संयुक्त बैठकमा प्रस्तुत ‘आर्थिक वर्ष २०८३/०८४ को वार्षिक नीति तथा कार्यक्रम’ माथि छलफल सुरु गरियोस् भनी प्रस्ताव प्रस्तुत गर्नेछन्।
बैठकमा नीति तथा कार्यक्रममाथि सांसदहरूबाट प्राप्त संशोधनहरू प्रस्तुत हुनेछन् र ती संशोधनमाथि छलफल गरिनेछ। सांसदहरूले उठाएका जिज्ञासा, सुझाव र आलोचनामा केन्द्रित रहेर आजै प्रधानमन्त्री बालेन्द्र शाहले जवाफ दिने कार्यक्रम तय गरिएको संसद् सचिवालयले जनाएको छ।
प्रधानमन्त्रीको सम्बोधनपछि आजै नीति तथा कार्यक्रमलाई पारित गर्ने प्रक्रिया अघि बढ्न सक्ने सम्भावना छ। सरकारले जेठ १५ गते बजेट ल्याउनुपूर्व नीति तथा कार्यक्रममाथि दफावार छलफल गरी पारित गर्नुपर्ने संवैधानिक व्यवस्था रहेको छ।
