१२ बैशाख, काठमाडाैं । सरकारले बागमती किनारकाे गैरीगाउँ वारिपारी क्षेत्रका सुकुम्वासी बनेर बस्दै आएकाे अवैध बस्तीलाई शनिबार दिउँसाेबाट स्काभेटर, बुलडाेजर लगाएर भत्काउन शुरू गरेकाे छ । याे क्रम रातभर चल्ने महानगर प्रहरीले जनाएकाे छ ।
पिलर हालेर बनाइएका घरहरू धेरै रहेकाले पुरै सकिन आइतबार बिहानसम्म लाग्ने जनाइएकाे छ । भत्काउने क्रम शान्तपूर्वक चलिरहेकाे र साँझपख हल्का वर्षा भएका कारण त्यहाँका मानिसहरूलाई सामन सुरक्षित गर्न कठिनाई परेकाे थियाे । कुखुरा, कुकुर, हाँस हुनेहरूलाई के गराैं, कसाे गराैं अवस्थामा देख्न सकिन्थ्याे ।
यहाँका मानिसहरू घर, टहरा, छाप्राे सजिलै खाली गरिरहेका देखिन्थे । यश क्षेत्रमा आढाई सयकाे हाराहरीमा मानिस बसिरहेकामा एक चाैथाई जति मात्र वास्तविक सुकुमवासी रहेकाे सरकारकाे दाबी छ । दिउँसाेदेखि बेलुका साँझसम्म संरचना भत्काइँदा दृष्यलाई तस्बिरमा हेर्न सकिन्छ ।
