१२ बैशाख, काठमाडाैं । थापाथलीकाे सुकुम्वासी बस्ती खाली गराउने क्रममा सुकुमवासी पहिचान भएकाहरूलाई काठमाडाैं महानगरले सामन ढुवानीमा सहयाेग गरेकाे छ । यसअघि टहरा भत्काउन उग्र रूपमा प्रस्तुत हुने भनी आराेप लाग्दै आइरहेका महानगर प्रहरी यसपटक भने आफ्नै खर्चमा सुकुमवासीकाे सरसामन ढुवानी गर्ने कार्यमा देखिएकाे भन्दै सर्वसाधारणले प्रशंसा समेत गरेका छन् ।
सामन लाेड गर्ने कार्यमा समेत महानगर प्रहरी खटेका छन् । असली सुकुमवासीलाई हृदयदेखि नै सहयाेग गर्ने र उनीहरूलाई स्वास्थ्य, खाद्यान्न, बास लगायतमा समस्या आउन निदने महानगरकाे याेजना रहेकाे उनीहरूले बताए । सामन पुर्याउइदिनु पर्ने भएकाले विवरणमा नाम टिपाउन समेत भनिरहेका छन् ।
सक्कली सुकुमवासीलाई महानगरले आफ्नै गाडीमा मालसामन हालेर ताेकिएकाे ठाउँसम्म पुर्याउन थालिएकाे हाे । सरकारले दशरथ रंगशालामा पुर्याएर सक्कली सुकुमवासी पहिचान गर्ने काम गरिरहेकाे छ ।
त्यहाँबाट पहिचान भएकाहरूकाे थापाथलीमा जम्मा पारिएका मालसामन विववरण अनुसार उनीहरूलाई राखिने स्थानहरूमा पुर्याउने गरिएकाे फिल्डमा खटिएका महानगर प्रहरीकाे भनाई छ ।
थापाथलीमा रहेका झण्डै ३०० बढी परिवार सबै सुकुमवासी रहेकाे दाबी गरेपनि हालसम्म ४० जना जतिमात्र पहिचान भएकाे बताइएकाे छ । अधिकांश मानिस नक्कली सुकुमवासी रहेका र तिनीहरू यसअघि नै बाटाे लागेकाे हुन सक्ने अडकल हुन थालिएकाे छ । पहिचान भएकामध्ये ४ परिवारलाई अस्थायीस्वरूप कीर्तिपुरस्थित राखिएकाे छ ।
सरकारले राेकिएकाे बागमती काेरिडाेर याेजना सम्पन्न गराउन थापाथलीमा रहेका अस्थायी टहरा बस्तीलाई आज बिहान सरकारले डाेजर लगाएर पूर्ण रूपमा खाली गरेकाे छ ।
