काठमाडौँ: आइसिसी विश्वकप लिग-२ अन्तर्गत घरेलु मैदान कीर्तिपुरमा जारी त्रिकोणात्मक सिरिजमा नेपालले आज संयुक्त अरब इमिरेट्स (यूएई) विरुद्ध पहिले ब्याटिङ गर्दैछ। त्रिवि क्रिकेट मैदानमा भएको टसमा यूएईका कप्तान मोहम्मद वासिमले टस जितेर फिल्डिङ रोजेपछि नेपालले ब्याटिङको निम्तो पाएको हो।
नेपाल रोहित पौडेलको कप्तानीमा मैदान उत्रिएको छ। एक दिवसीय मान्यता जोगाउन दुवै टोलीका लागि यो खेल निकै महत्त्वपूर्ण मानिएको छ। हाल अंक तालिकाको पुछारतिर रहेका नेपाल र यूएई दुवै शीर्ष ६ मा पर्न सङ्घर्षरत छन्, जसका कारण आजको खेलमा दुवै टोली जितको खोजीमा हुनेछन्।
तालिकाको अवस्था
नेपाल: २० खेलमा ५ जित र १३ हारसहित १२ अंकका साथ सातौँ स्थानमा।
यूएई: २० खेलमा ५ जित र १५ हारसहित १० अंकका साथ तालिकाको अन्तिम स्थानमा।
ओमान: २४ खेलबाट २९ अंक बटुल्दै तेस्रो स्थानमा सुरक्षित।
नेपालको ‘प्लेइङ-११’
आजको खेलमा नेपालले सन्तुलित टोली मैदान उतारेको छ:
१. कुशल भुर्तेल
२. आशिफ शेख
३. भीम सार्की
४. रोहित पौडेल (कप्तान)
५. बसिर अहमद
६. दीपेन्द्रसिंह ऐरी
७. आरिफ शेख
८. सोमपाल कामी
९. करण केसी
१०. सन्दीप लामिछाने
११. ललित राजवंशी
