काठमाडौँ । राष्ट्रिय स्वतन्त्र पार्टी (रास्वपा) ले सांगठनिक र प्रशासनिक सुदृढीकरणका लागि सचिवालय बैठक आह्वान गरेको छ। पार्टी सभापति रवि लामिछानेको अध्यक्षतामा आइतबार दिउँसो ३:३० बजे केन्द्रीय कार्यालय वनस्थलीमा बैठक बस्न लागेको हो।
बैठकका मुख्य एजेन्डाहरू र छलफलका विषयवस्तुहरू निम्न रहेका छन्:
मुख्य छलफलका ६ एजेन्डाहरू
१. जिल्ला अधिवेशन कार्यविधि: जिल्ला तहको अधिवेशनलाई व्यवस्थित बनाउन कार्यविधि तय गर्ने।
२. बैंक खाता सञ्चालन: पार्टीको आर्थिक पारदर्शिता र बैंक खाता व्यवस्थापन।
३. परिषद् तथा आयोग गठन: केन्द्रीय आयोगहरू र सल्लाहकार परिषद्को संरचना निर्माण।
४. मनोनयन प्रक्रिया: संघीय नेतृत्व मञ्च र विभिन्न विभागहरूमा रिक्त पदहरूको मनोनयन।
५. महाधिवेशन तयारी: महाधिवेशन कार्यविधि मस्यौदा समितिको गठन।
६. विशेष आह्वान: पार्टीका लागि आवश्यक विज्ञ र योजनाहरू आह्वान गर्ने सम्बन्धमा।
