काठमाडौं । पूर्वप्रधानमन्त्री शेरबहादुर देउवा र उनकी पत्नी डा. आरजु राणा देउवा विरुद्ध पक्राउ पुर्जी जारी गरिएको छ।
गैरकानुनी सम्पत्ति आर्जनको आरोपमा भइरहेको अनुसन्धानका क्रममा सम्पत्ति शुद्धीकरण अनुसन्धान विभागले जिल्ला अदालत काठमाडौंबाट देउवा दम्पतीविरुद्ध पक्राउ पुर्जी लिएको हो।
विभागका अनुसार प्रारम्भिक अनुसन्धानमा शंकास्पद आर्थिक गतिविधि देखिएपछि कानुनी प्रक्रिया अघि बढाइएको हो। यससँगै प्रकरणलाई थप गहिरो रूपमा अनुसन्धान गरिने बताइएको छ।
तर, हाल देउवा दम्पती नेपाल बाहिर रहेको जानकारीका कारण तत्काल पक्राउ प्रक्रिया कार्यान्वयन गर्न चुनौती देखिएको छ। उनीहरूलाई स्वदेश फर्काएर कानुनी दायरामा ल्याउने विषयमा सम्बन्धित निकायहरूबीच समन्वय भइरहेको स्रोतले जनाएको छ।
यस घटनाले नेपाली राजनीतिक वृत्तमा तरंग पैदा गरेको छ भने आगामी दिनमा यसको राजनीतिक र कानुनी प्रभाव अझ स्पष्ट हुने अपेक्षा गरिएको छ।
