९ चैत, काठमाडाैं । रामेछापमा जेठानकाे कुटपिटबाट आफ्नै बहिनी ज्वाइँकाे ज्यान गएकाे छ । जिल्लाकाे दाेरम्बा शैलुङ गाउँपालिका वडा नं. ४ काे पार्सामा साेमबार बिहान छेप्रे भनेर चिनिने स्थानीय अन्दाजी ६० वर्षकाे तामाङ (घिसिङ) भाेर्लेका माइला माेक्तानमाथि बाटाेमा कुटपिट गर्दा साेही वडाका प्रेमबहादुर तामाङ (माेक्तान)काे ज्यान गएकाे हाे ।
माेक्तान घिसिङका आफ्नै बहिनीकाे श्रीमान (ज्वाईँ) रहेकाे खुलेकाे छ । बिहान साढे ९ बजेतिर बहिनी र ज्वाइँ काेसेली लिएर घिसिङकाेमा जाँदै गर्दा बाटाेमा भेट भएकाे र सामान्य विवादमा घिसिङले बहिनीकै सामुन्ने ज्वाइँ (माईला) माथि मुक्का र लात्तीले प्रहार गरेकाे बताइएकाे छ । प्रहारबाट बेहाेस् हुन पुगेका माईलाकाे केहिबेरमै प्राण गएकाे बताइन्छ । लात्ति प्रहार संवेदनशील अंगमा लागेकाे जस्ताे देखिएकाे प्रारम्भिक अनुसन्धानमा पाइएकाे जनाइएकाे छ ।
घटनाबारे जानकारी पाएपछि पासेवान प्रहरी चाैकीबाट प्रहरी घटनास्थल पुगेर मुचुल्का उठाई शव पाेष्टमार्टमका लागि काभ्रेकाे धुलिखेल अस्पताल पठाइसकिएकाे स्थानीयले बताए ।
घटनापछि अभियुक्त घिसिङ फरार भएकाे र लुकेर बस्न सक्ने संभावित क्षेत्रमा उच्च निगरानीसहित खाेजी भइरहेकाे प्रहरीले जनाएकाे छ । घिसिङ खासी बाेका व्यापारी समेत रहेकाे बताइन्छ
