५ चैत, काठमाडाैं । सुदूरपश्चिम प्रदेशमा एक पुरूषले भरूवा बन्दुकले हानेर जंगद्लमा श्रीमतीको हत्या गरेका छन् ।
कैलालीकाे गोदावरी नगरपालिका–४ अमलेशैनीमा ३२ वर्षीय रामबहादुर मगरले बुधबार दिउँसाे सँगै जंगलमा गएका बेला २८ वर्षीया श्रीमती संजिता मगरको हत्या गरेका हुन् ।
शिकार गर्न बन्दुक बाेकेर गएका श्रीमानले बाख्रा चराउन सँगै गएकी संचितासँग घरायसी विषयमा विवाद हुँदा आवेगमा बन्दुककाे गाेली चलाउँदा उनकाे मृत्यु भएकाे देखिएकाे प्रहरीले जनाएको छ ।
श्रीमतीकाे हत्यापछि रामबहादुरले सोही बन्दुकले आफैंलाई पनि गोली हानेको र गम्भीर घाइते भएकामा उनकाे हाल सेती प्रादेशिक अस्पतालमा उपचार भइरहेको जनाइएकाे छ ।
घटनाका सत्यतथ्य पत्ता लगाउन घटनास्थललाई घेरा हालेर राखेकाे र अनुसन्धान सुरू भइसकेकाे प्रहरीले जनाएकाे छ । मृतककाे शव घटनास्थलमा नै रहेकाे पनि जनाएकाे छ ।
