रौतहट । रौतहटको चन्द्रपुर नगरपालिका–१ मंगलपुरमा स्थानीयवासीले पूर्व–पश्चिम राजमार्ग अवरुद्ध गरेका छन्। शनिबार साँझ बसको ठक्करबाट घाइते भएका १२ वर्षीय बालकको आइतबार मृत्यु भएपछि आक्रोशित परिवार तथा आफन्तले राजमार्ग अवरुद्ध गरेका हुन्।
मृत्यु हुनेमा स्थानीय कृष्ण सहनी रहेका छन् । उनि बाग्मती माध्यमिक विद्यालयमा कक्षा ४ मा अध्ययनरत विद्यार्थी हुन् । शनिबार दिउँसो बसले ठक्कर दिँदा उनी गम्भीर घाइते भएका थिए। घाइते सहनीलाई उपचारका लागि चपुरस्थित अस्पतालमा लगिएको थियो। उपचारकै क्रममा आइतबार उनको मृत्यु भएको स्थानीयले जनाएका छन्।
बालकको मृत्यु भएपछि आक्रोशित परिवार, आफन्त र स्थानीयवासीले मंगलपुर पुलमा टायर बालेर पूर्व–पश्चिम राजमार्ग अवरुद्ध गरेका हुन्। उनीहरूले घटनाको छानबिन गरी दोषीलाई कडा कारबाही गर्न तथा पीडित परिवारलाई उचित क्षतिपूर्ति दिन माग गरेका छन्।
राजमार्ग अवरुद्ध हुँदा सवारीसाधनको लामो लाइन लागेको छ। अहिलेसम्म प्रहरी घटनास्थलमा पुगेकोछैन ।
