काठमाडौँमा जारी आईसीसी महिला टी–२० विश्वकप ग्लोबल छनोटअन्तर्गत स्कटल्यान्डले नेपालसामु जितका लागि १ सय ४१ रनको प्रतिस्पर्धात्मक लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोजेपछि ब्याटिङ गरेको स्कटल्यान्डस निर्धारित २० ओभरमा १ सय ४० रन बनाउँदा अलआउट भयो। नेपालका लागि मनीषा उपाध्यायले सर्वाधिक ४ विकेट लिइन्।
ग्लोबल छनोटमा पहिलो खेल खेलेकी मनीषाले आफ्नो ओभरमा १७ रन खर्चेर ४ विकेट लिइन्।
रुबिना क्षेत्रीले ३ विकेट लिइन्। उनले ४ ओभरमा २३ रन दिइन्।
रिया शर्मा, सीता रानामगर र कविता जोशीले समान एकरएक विकेट आफ्नो नाममा गरे।
मनीषा उपाध्यायले पहिलो ओभरमै २ विकेट लिँदै नेपाललाई उत्कृष्ट सफलता दिलाएकी छन्।
मनीषाले ओभरको दोस्रो बलमा ओपनर क्याथेरिन फ्रासर र चौथो बलमा डेर्सी कार्टरलाई पेभेलियनको बाटो देखाइन्।
स्कटल्यान्डका लागि प्रियानाज चट्टेर्जीले सर्वाधिक ४५ रनमा अविजित रहिन्। एल्सा लिस्टरले २२, सराह वर्सीले १८ र मेगन मेकोलले १७ रन थपिन्।
अहिले नेपालले जवाफी ब्याटिङ गरीरहेको छ । सुपर सिक्समा पुग्न आज नेपालले राम्रो रनरेट सहित जीत निकाल्नु आवस्यक रहेको छ ।
