२९ पुस, काठमाडाैं । एसबीआई बैंककाे सिन्धुली शाखा लुटपाट भएकाे छ । मंगलबार साँझ ७ बजेतिर चार पाँच जनाकाे समूहमा आएका नकाबधारीहरूले सुरक्षा गार्डलाई कुटपिट गरी नियन्त्रणमा लिएर शाखामा रहेकाे नगद, सुनका गहना लुटेर फरार भएका छन् ।
बैंक शाखा सिन्धुलीको घ्याङ्लेख गाउँपालिका–२ मा रहेको थियाे । फरारमध्ये लुटपाटमा संलग्नताकाे आशंकामा एक जना व्यक्ति गाडिसहित पक्राउ परेकाे प्रहरीले जनाएकाे छ । कति रकम लुटपाट भयाे भन्नेबारे अनुसन्धान भइरहेकाे र फरारकाे खाेजी नाका बन्द गरेर खाेजी भइरहेकाे प्रहरीकाे भनाइ छ ।
लुटपाटमा जेन जी आन्दाेलनका क्रममा जेलबाट भागेका कैदी र प्रहरीबाट खाेसिएका हतियार प्रयाेग भएकाे आशंका गरिएकाे छ । भागेकामध्ये अझै ४ हजार कैदी जेल फिर्ता भएका र दर्जनाैं हतियार फिर्ता हुन बाँकी रहेकाे सुरक्षा अधिकारीहरूले बताइरहेका छन् । आगामी प्रतिनिधिसभाबाे चुनावमा उक्त हतियार र कैदी चुनाैति हुन सक्ने सुरक्षा निकायले अनुमान गर्दै आइरहेकाे छ ।
फरार कैदीमा पाँच जना त पुनः हत्यामा संलग्न भएका सबुदसहित पक्राउ समेत परिसकेका छन्
