मंसीर २५ काठमाण्डौँ । नेकपा (एमाले) का अध्यक्ष केपी शर्मा ओलीले अब पनि एमाले र कांग्रेसले नै देश चलाउने बताएका छन्।
बिहीबार ११ औँ महाधिवेशनबारे सम्पादकहरुसँगको छलफलमा अहिले केही क्षणलाई ग्रहण लागेजस्तै मात्रै भएको भन्दै एमाले काँग्रेस बाहेक अरुले देश चलाउन नसक्ने बताए ।
‘एमाले र नेपाली कांग्रेस देशका दुई प्रमुख पार्टी हुन्,’ ओलीले भने, ‘ऐतिहासिक पार्टी हुन्। इतिहासमा योगदान गरेका, जनाधार भएका पार्टी हुन्। आज एकछिन सूर्यग्रहण लागे जस्तै हो।’
सरकार र जेनजीबीच भएको सम्झौतालाई ‘कलाविहीन भद्दा नाटक’को संज्ञा ओलीले दिएका छन् ।
जेनजी आन्दोलनको ३ महिनापछि बुधबार जेनजी प्रतिनिधिले सरकारसँग लिखित सहमित गरेका थिए।
‘हिजो एउटा कलाविहीन नाटक भयो, गोबर टाँसेको सरकारले त्यो नाटक गर्यो,’ ओलीले भने, ‘त्यहीँ अस्वीकार भयो, त्यहीँ च्यातिदियो, त्यसैले त्यो कलाबिहीन भद्दा नाटक हो।’
