२३ मंसिर, काठमाडाैं । जेन जी विद्राेहका शहिदकाे सम्झनामा द्वीप प्रज्वलन कार्यक्रम भएकाे छ । नयाँ बानेश्वरस्थित संघीय संसद भवनकाे मुख्य गेटमा मंगलबार साँझ शहिद परिवार, आफन्त, घाइते तथा सर्वसाधारणकाे सहभागितामा कार्यक्रम सम्पन्न भयाे ।
कार्यक्रममा वक्ताहरूले शहिद र घाइतेकाे लक्ष्य र सपना पूरा गराइ छाड्ने अठाेट व्यक्त गरे । विद्राेहमा सहभागी भएकाहरूलाई सरकारले पक्रेर थप विद्राेहकाे जग हालिरहेकाे भन्दै पक्राउ क्रम तुरून्त राेक्न माग गरे । नराेकिए सडकमा आउने चेतावनी दिए ।
गएकाे भदाै २३ र २४ गते जेन जी उमेर समूह (युवाहरू) हरूले भ्रष्टचारीलाई कारवाही गर्न र सुशान दिनुका साथै देशभित्रै राेजगारी दिन माग राखेर गरेका शान्तिपूर्ण आन्दाेलनमा प्रहरीले गाेली हानेर स्कूले बाललकसहित ७८ जनाकाे हत्या गरेकाे थियाे । साेही क्षेत्रमा कार्यक्रर्ग गरिएकाे हाे । सरकारले ४५ जनालाई मात्र शहिद घाेषणा गरेकाे छ ।
