जनकपुरधाम । मधेशका मुख्यमन्त्री सरोज कुमार यादवले बुधबार विश्वासको मत लिने भएका छन्। संविधानको धारा १६८ को उपधार (३) बमोजिम मुख्यमन्त्रीमा नियुक्त भएका यादवलाई सर्वोच्च अदालतले २४ घण्टाभित्र विश्वासको मत लिन आदेश दिएपछि बुधबार विश्वासको मत लिन लागेका हुन्।
मुख्यमन्त्री यादवले बुधबार दिउँसो ३ बजे अदालतले भने अनुसारको २४ घण्टाभित्र विश्वासको मत लिने भएका हुन्।
मुख्यमन्त्री यादवले भने, ‘मलाई अदालतको पत्र आधिकारिक रूपमा हालसम्म प्राप्त भएको छैन। तर, मैले प्रदेश प्रमुखको कार्यालयबाट स्वयं फोन गरेर अदालतको आदेशको प्रतिलिपि मगाएको छु। सोही अनुसार मैले प्रदेशसभालाई दिउँसो ३ बजे विश्वासको मतको लागि समय मागेको छु। उपसभामुखज्यु, अहिले काठमाडौंमा हुनुहुन्छ, उहाँ आएपछि बाँकी कहिले बैठक बोलाउनेरु कुन समयमा बैठक डाक्ने र कहिले विश्वासको मतका लागि वातावरण बनाउनुहुन्छ, त्यो उहाँको विषय हो।’
बर्दिवासको होटलमा शपथ लिएको विवाद पछि प्रदेश प्रमुखलाई यस अघि सरकारले बर्खास्त गरीसकेको छ ।
एमालेको सभामुख पनि निलम्बनमा परीसकेका छन् भने आज विस्वासको मत नपाए मुख्यमन्त्री यादव पनि स्वत पदमुक्त हुनेछन् ।
