१६ मंसिर काठमाडाैं । कीर्तिपुरको त्रिवि क्रिकेट मैदानमा जारी एनपीएल दाेस्राे संस्करणअन्तर्गत आज दाेस्राे खेलमा खेलकाे मध्यान्तरपछि ब्याटर फितलाे बनेपछि कर्णाली याक्सले पाेखरा एभेन्जर्सविरूद्ध ठाेस परिणाम हासिल गर्न सकेन । हार्न पुगेकाे छ ।
पाेखराले दिएकाे २०२ रनकाे लक्ष्य भेट्टाउने रणानीतिसाथ जवाफी ब्याटिङमा उत्रिएकाे कर्णाली याक्स प्रारम्भमा आशातित ब्याटिङ जमाउन सफल देखिए पनि निर्धारित २० ओभरकाे आधा पारपछि भने कमजाेर हुँदै अन्तत: विपक्षीमाथि जित जमाउन चुक्न पुग्याे । उसले ११ ओभर नसकिँदै १०१ रन जाेडिसकेकाे थियाे । त्यसपश्चातका ब्याटर फितलाे बन्नाले हारकाे मैदानमा धकेलिन विवश भयाे ।
जम्मा २ विकेट मात्र गुमाएर २०१ रन जाेडेर पाेखराले दिएकाे चुनाैतिलाई कर्णाली १९ ओभरमा १६७ रन मात्र जाेड्दै १० विकेट गुमाएर अल आउट भयाे । परिणामत: कर्णाली ३५ रनले हार व्यहाेर्न पुग्याे । हारसँँगै कर्णाली संस्करणबाट बाहिरिन पुगेकाे छ ।आजै भएकाे पहिलाे खेलमा चितवन राइनाेजलाई हराएर जनकपुर बाेल्ट्स विजयी भएकाे थियाे ।
