काठमाडौं । प्रधानमन्त्री सुशीला कार्कीले फागुन २१ गते हुने प्रतिनिधिसभा निर्वाचनमा सहभागी नहुने दलले अराजकता रोजेको ठहरिने बताएकी छन्।
आज प्रधानमन्त्री कार्यालयमा दलहरूसँगको संबादमा प्रधानमन्त्री कार्कीले निर्वाचन प्रक्रियामा सहभागी हुन दलहरूलाई आग्रह गरिन्।
म सबै दलहरूलाई विनम्र आग्रहका साथै दृढतापूर्वक भन्न चाहन्छु, ुमंसिर १० गतेभित्र अनिवार्य रूपमा निर्वाचन आयोगमा निर्वाचन प्रयोजनका लागि दल दर्ता गराउनुहोस्। यो समयसीमा केवल एउटा प्रशासनिक प्रक्रिया होइन, यो राष्ट्रप्रतिको तपाईंहरूको न्यूनतम राजनीतिक प्रतिबद्धताको कसीमा जाँच हो। दल दर्ता नगर्ने वा निर्वाचन बहिष्कार गर्ने कुनै पनि दलले लोकतन्त्रको रक्षाभन्दा अराजकता रोजेको ठहरिनेछ, उनले भनिन्।
प्रधानमन्त्री कार्कीले अराजकता नियन्त्रणमा सरकारको ध्यान पुगेको र त्यसका लागि अतिरिक्त सुरक्षा सतर्कता अपनाइएको बताइन्।
