३ मंसिर, काठमाडाैं । जिल्ला प्रशासन कार्यालयले बाराकाे सिमरा विमानस्थलदेखि पथलैयासम्म कर्फ्यू लगाएकाे छ । आज परवानीपुरमा नेकपा (एमाले)का महासचिव शंकर पाेखरेल र नेता महेश बस्नेत कार्यक्रममा उपस्थित हुन विमानबाट आउने जानकारी पाएका जेनजी युवाहरूले विराेध प्रदर्शन गरेका कारण एमालेका कार्यकर्ताले पनि प्रदर्शन गरेका छन् । दुई पक्षकाे प्रदर्शनले अप्रिय घटना हुनसक्ने जनाउँदै स्थानीय प्रशासनले कर्फ्यू लगाएकाे हाे । कर्फ्यू सिमरास्थित विमानस्थल क्षेत्र र गण्डक नहरदेखि पथलैया सडक खण्डमा राजमार्गको दायाँ-बायाँ ५०० मिटरसम्म आज अपरान्ह साढे १२ बजेदेखि राति ८ बजेसम्म जिल्ला प्रशासन कार्यालयबाट कर्फ्यू लागू गरिएकाे सिडिओ धर्मेन्द्रकुमार मिश्रले सूचना जारी गरेर जानकारी दिएका छन् । यसबाट सिमरा विमानस्थलमा उडान र अवतरण गर्ने यात्रुहरू मर्कामा परेका छन् । दलका नेता र जेन जीका युवाहरूबीच झडपकाे अवस्था देखा परेपछि संभावित घटना राेक्न कर्फयू लगाएकाे दाबी सिडिओकाे छ ।
आफूहरूकाे शान्तिपूर्ण विराेधमा एमालेका कार्यकर्ताले आक्रमण गरेपछि वातावरण बिग्रिएकाे जेन जीकाे भनाइ छ । भ्रष्टचारकाे विराेध र सामाजिक अन्यायकाे विराेध गर्दै आइरहेका आफूहरूलाई बस्नेतले आतंककारी भन्न नछाडेपछि विराेध गरेकाे उनीहरूले बताएका छन् ।
मुख्यत: एमालेका अध्यक्ष केपी शर्मा ओेली र बस्नेतले जेन जी पुस्ताका युवहरूकाे भदाै २ र २४ काे तत्कालिन भ्रष्टाचारी र दलालहरू पक्षधर सरकारकाे आराेप खेपिरहेकाे ओली नेतृत्वकाे सरकार पल्टाउने युवाहरूकाे विद्राेहलाई विध्वंसकारी र त्यसमा संलग्नलाई आतंककारी भन्न छाडेका छैनन् । त्यसयता जेन जी र एमालेका कार्यकर्ताबीच तिक्तता बढेकाे विश्लेषण राजनीतिक वृत्तमा।व्याप्त छ ।
