१७ कात्तिक, काठमाडाैं । काठमाडाैं महानगरपालिकाले सवारी यात्रु तथा सर्वसाधारणका लागि विभिन्न सडक छेउमा व्यवस्थित आधुनिक ढाँचामा प्रतिक्षालय निर्माण गर्ने काम जारी राखेकाे छ ।
वर्षा र घाम छेक्न सकिने भरपर्दाे ओत र आराम गर्न मिल्ने बेञ्चसहित माैलिकता झल्कने किसिमबाट आधुनिक ढाँचामा नयाँबानेश्वरकाे सिभिल सर्भिस हस्पिटलकाे प्रवेश द्वारमा नजिक बनाइएका प्रतिक्षालयमा मजदुरहरू साेमबार रङराेगन गररहेका देखिन्थे ।
महानगरले यही प्रकारका प्रतिक्षालय साथै कतिपय सडक छेउमा सतल समेत बनाइरहेकाे छ । महानगरमा नयाँ नेतृत्व आएदेखि फुटपाथ विस्तार, वृक्षाराेपण, सार्वजनिक शाैचालय, सरसफाई तथा व्यक्ति तथा संस्थाले अनाधिकृत रूपमा प्रयाेग गर्दै आइरहेका सार्वजनिक जग्गा फिर्ता गराउने लगायत काम गर्दै आइरहेकाे छ । नयाँ बनेका प्रतिक्षालय यसअघिका भन्दा निकै सहज र सुविधाजनक रहेकाे यात्रुहरू बताउँछन् ।
उनीहरूले प्रतिक्षालय महानगरभित्र धेरै स्थानमा आवश्यक रहेकाे र त्यहाँ छिटाे बनाउनुपर्ने विषय ओैल्याए ।
