काठमाडौं । भोजपुरे सेवा समाज, काठमाडौं को अध्यक्षमा हरि कुमार राई चयन भएका छन् ।
शनिबार बानेश्वरमा सम्पन्न समाजको ३३औँ वार्षिक साधारणसभा तथा नवौँ अधिवेशनबाट राईलाई अध्यक्ष चयन गरिएको हो ।
समस्त भोजपुरेहरूको साझा सामाजिक संस्थाका रूपमा २०४२ सालदेखि सक्रिय रहदै आएको छ ।
अधिवेशनले वरिष्ठ उपाध्यक्षहरुमा हेमाकुमारी अधिकारी, नारायणप्रसाद न्यौपाने, रुद्रप्रसाद राई, उषा राई, प्रजुना चौहान, महासचिवमा शशी लुमुम्बू, सचिवमा दिलिपकुमार राई, सन्तोष सेन्चुरी र कोषाध्यक्षमा नयन थापालाई चयन गरेको छ।
भानुभक्त न्यौपाने, अर्जुन न्यौपाने, जगत्मान योगी, अनन्त राई, कृष्णबहादुर मगर, पासाङ शेर्पा, नवीनकुमार राई, शान्ति राई, दीपक राई र उत्तम शर्मा धिमाल सदस्य चयन भएका छन् ।
नवनिर्वाचित कार्यसमितिको पहिलो बैठकमा समाजका निवर्तमान अध्यक्ष पासाङदोर्ची शेर्पाले नवनिर्वाचित अध्यक्ष राई र सम्पूर्ण समितिलाई बधाई तथा शुभकामना दिँदै समाजका दस्तावेजहरू हस्तान्तरण गरेका थिए ।
