काठमाडौं । यूएईमा हुने नेपाल र वेष्टइन्डिजबिचको खेलका लागि नेपाली खेलाडीले भिसा पाएका छन्। नेपालमा भएको हिंसात्मक जेनजी आन्दोलनपछि विभिन्न देशले भिषा दिन बन्द गर्दै आएको थियो ।
नेपाल क्रिकेट संघ (क्यान) ले एक विज्ञप्ति जारी गर्दै नेपाली खेलाडीले भिसा पाएको जानकारी गराएको हो।
नेपाली क्रिकेट टिम सोमबार यूएई प्रस्थान गर्नेछ ।
यही असोज ११, १३ र १४ गते यूएईमा हुने खेलका लागि क्यानले बिहीबार नेपाली टोलीको बिदाइ गरेको थियो।
यसअघि नेपालले २०२४ को अप्रिलमा वेष्टइन्डिज ुएुसँग ५ खेल सम्मेलित सिरिज खेलेको थियो। जसमा नेपालले ३–२ ले सिरिज गुमाएको थियो।
नेपाली टोलीमा रोहित पौडेल(कप्तान), दीपेन्द्र सिंह ऐरी(उपकप्तान), आसिफ शेख , कुशल भुर्तेल, लोकेश बम, सन्दीप लामिछाने, कुशल मल्ल, आदिल आलम, आरिफ शेख, सन्दीप जोरा, करण केसी,नन्दन यादव, गुल्सन झा, ललित नारायण राजवंशी, सोमपाल कामी र साहब आलम रहेका छन् ।
