काठमाडौं, २३ भदौ – काठमाडौंको सिनामंगलस्थित केएमसी अस्पतालमा सोमबार दिउँसो भएको प्रदर्शनका क्रममा प्रहरीको गोली लागेर घाइते भएका ३३ जनाको उपचार जारी रहेको छ।
अस्पताल प्रशासन प्रमुख नारायणप्रसाद दाहालका अनुसार, हालसम्म उपचाररत ३५ मध्ये दुई जनाको उपचारका क्रममा मृत्यु भएको छ। मृत्यु हुनेमा बझाङका १९ वर्षीय सुभास बोहरा र ठेगाना नखुलेका सुरन किशोर श्रेष्ठ रहेका छन्। चिकित्सकहरूले जानकारी दिए अनुसार, बोहराको काखि मुनीबाट गोली छिरेर फोक्सो क्षतविक्षत भएको थियो भने श्रेष्ठको छातिबाट गोली छेडिएको थियो।
बाकी ३३ जनाको उपचार अस्पतालमा भईरहेको छ। जेनजी पुस्ताको प्रदर्शनमा घाइते भएकामध्ये १९ जनाको मृत्यु भएको छ। स्वास्थ्य तथा जनसङ्ख्या मन्त्रालयले हालसम्म तीन सय ४७ जना घाइते भएको जनाएको छ।मन्त्रालयका अनुसार सिभिल अस्पतालमा उपचार गर्ने क्रममा तीन जनाको मृत्यु भएको छ भने एक सय जनाको उपचार भइरहेको छ।
यस्तै वीर अस्पतालमा ६ जनाको उपचार भइरहेको छ। राष्ट्रिय ट्रमा सेन्टरमा ५९ जना उपचाररत छन् भने उपचारका क्रममा ८ जनाको मृत्यु भएको छ।
यी हुन् उपचाररत घाईते
यसरी हुँदै छ घाईतेको उपचार
