भदौ २ काठमाण्डौँ । प्रधानमन्त्री केपी शर्मा ओलीले केही युवाहरूको निजी प्रयासले गत वर्षको माध्यमिक शिक्षा परीक्षा (एसईई) को नतिजामा सुधार भएको दाबी गरेका छन्।
केही युवाले प्रविधिमा आधारित भएर देशभरिका लागि कक्षा सञ्चालन गरेपछि नतिजामा सुधार आएको उनको दाबी छ।
उनले भने, ‘हामीले एउटा मात्रै सानो उदाहरण दियौं भने, गत वर्ष नेपालको एसईईको परीक्षाको नतिजामा पास हुनेको संख्या ४८ प्रतिशतभन्दा कम थियो र गत वर्षबाट हामीले सुरुदेखि नै यसलाई ७० प्रतिशत पु¥याउने भनेका थियौं। पछि हामीले केही संशोधन गर्नुपर्यो र ६० देखि ६५ प्रतिशतसम्म पुर्याउँछौँ भनेर हाम्रा केही युवा साथीहरूले अनलाइन कक्षाको सुरुवात गर्नुभयो। त्यसका निम्ति एउटा अभियान चलाउनु भयो।
देशव्यापी रूपमा विभिन्न ठाउँका विद्यालय विद्यालयमा गएर त्यहाँका प्रिन्सिपलहरूलाई, त्यहाँका शिक्षकहरूलाई, विद्यार्थीहरूलाई, अभिभावकहरूलाई प्रेरित गर्नुभयो। र, देशभरि दुई सयभन्दा बढी मेन्टर र धेरै दर्जन शिक्षकहरू राखेर एकै ठाउँ काठमाडौँबाट कक्षाहरू सञ्चालन गर्नुभयो। पछि हामीले ६० देखि ६५ प्रतिशतको बीचमा नतिजा निकाल्छौं भन्यौं।’
ती युवा को हुन् भन्ने नखुलाए पनि ओलीले नित्तान्त निजी प्रयासमा गरिएको यस पहलले नै एसईईको नतिजामा १४ प्रतिशत सुधार आएको दाबी गरे।
