पशुपतिनाथ मन्दिरको बागमती नदी किनारमा शनिबार जनै पूर्णिमाका अवसरमा स्नान गर्न तथा पुरोहितबाट यज्ञोपवीत एवम् डोरो (रक्षासूत्र) बाँध्न आएका सर्वसाधारण । तस्बिर : हरिराम भेटुवाल

दाङको घोराही उपमहानगरपालिका–१८ स्थित कटुवा खोलाको शङ्खे पिपलघाटमा शनिवार बिहान जनै पूर्णिमाको अवसरमा स्नान गर्दै स्थानीय। यस दिन जनै लगाउनेहरूले ऋषिको सम्झना गर्दै जलाशय, नदी, ताल, तलाउ वा पोखरीमा गई माटो, गोबर, कुश, खरानी र अपमार्गले स्नान गरी, विशेष मन्त्रद्वारा मन्त्रिएको नयाँ जनै धारण गर्ने परम्परा छ। 

पोखरा महानगरपालिका-६स्थित केदारेश्वर मन्दिर परिसरमा शनिबार बिहान जनैपूर्णिमाको अवसरमा जनै मन्त्रँदै ब्राह्मणहरु । 

रक्षाबन्धन पर्वका अवसरमा शनिबार सर्वसाधारणलाई रक्षासूत्र बाँधिदिँदै ब्रम्हकुमारी ईश्वरीय विश्वविद्यालय क्षेत्रीय कार्यालय, बागलुङकी प्रमुख सावित्री दिदी । 

तनहुँको देवघाट गाउँपालिका-५ स्थित गलेश्वर आश्रममा जनैपूर्णिमाको अवसरमा शनिबार बिहान जनै फेर्दै आश्रमका विद्यार्थी । तस्बिर : कृष्ण न्यौपाने

ललितपुर, २५ साउनः ललितपुरको कुम्भेश्वर मन्दिर परिसरमा शनिबार जनैपूर्णिमाको दिन हातमा जनै लगाउँदै भक्तजन। तस्बिरः रत्न श्रेष्ठ

रक्षा सूत्र बाँध्दै
रुपाकोट (कास्की), २४ साउनः जनैपूर्णिमा र रक्षाबन्धनको अवसरमा पोखरा–२ मिरुवास्थित विन्ध्यवासिनी मन्दिरमा रक्षा सूत्र बाँध्दै ब्राह्मण। जनैपूर्णिमा जनै र राखी बाँध्दा देव, ऋषि र पितृ ऋणबाट मुक्त भई बल, बुद्धि र तेज प्राप्त हुने जनविश्वास छ। तस्बिरः युनिश गुरुङ 

मुक्तिनाथमा दर्शनार्थीको भीड
मुस्ताङ, २४ साउनः मुस्ताङको प्रसिद्ध धार्मिक स्थल मुक्तिनाथमा शनिबार बिहानै जनै पूर्णिमाको दिन भक्तजनको भीड । 

मुक्तिनाथमा दर्शनार्थीको भीड
मुस्ताङ, २४ साउनः मुस्ताङको प्रसिद्ध धार्मिक स्थल मुक्तिनाथमा शनिबार बिहानै जनै पूर्णिमाको दिन भक्तजनको भीड । 

राखी(रक्षा)सूत्र बाँदै
इनरुवा (सुनसरी), २४ साउनः मिथिला क्षेत्रमा राखी पर्वको अवसरमा सुनसरी सदरमुकाम इनरुवा–३ मा शनिबार दिदीबहिनीले दाजुभाइलाई राखी (रक्षा)सूत्र बाँडी दिनुहुँदै । 

भगवानलाई जल चढाउँदै
लमजुङ, २४ साउनः लमजुङ दोर्दी गाउँपालिका ४ स्थित रमाइलो फाँटमा जनै पूर्णिमाको दिन शनिबार बिहान सामूहिक रूपमा भगवानको पूजा गर्ने क्रम भगवानलाई जल चढाउँदै स्थानीय बासिन्दा । 

सार्वजनिक रक्षाबन्धन कार्यक्रम
दाङ, २४ साउनः दाङको घोराही उपमहानगरपालिका–७ स्थित श्री माता पवित्रादेवी साँग्वेद विद्यालय उत्तरवाहिनी क्षेत्र, सुक्वारीमा अध्ययनरत वटुकहरूले शनिवार जनै पूर्णिमा तथा रक्षाबन्धनको अवसरमा घोराही बजारको बीपी चोकमा सर्वसाधारणलाई रक्षासूत्र बाँध्दै। 

किमाथाङ्का, (सङ्खुवासभा), २४ साउनःसङ्खुवासभाको खादबारी नगरपालिका–९ तुम्लिङटार स्थित मनकामना परिसरमा जनै पूर्णिमाको अवसरमा पुरहितबाट जनै धारण गर्दै भक्तजन।