इटहरी/ ‘मिस्टर एण्ड मिस लिटिल पुर्बेली २०२५’ मोरङ्गमा आयोजना हुने भएको छ । बालबालिकाको सौन्दर्य तथा वैद्धिक प्रतियोगिता यसअघि सुनसरीमा आयोजना भएको थियो । ओपन स्पेस प्रालीको आयोजनामा मोरङ्गमा हुने यो प्रतियगिताको पहिलो अडिसन सम्पन्न भएको छ ।
अडिसनमा ५० जनाको सहभागिता रहेको आयोजक संस्थाका सिइओ सजिना श्रेष्ठले जानकारी गराईन् । सुन्दरहरैंचा मोरङको विराटचोक अवस्थित प्लानेट लाउन्जमा शनिवार आयोजना भएको अडिसनको निर्णायकको रुपमा डान्स कोरियोग्राफर मानिस गिरी, मिस एसईई इटहरीकी अर्गनाइजर च्वाइस संस्कृति दाहाल र मिडीया पर्सन शुभेक्षा कार्कीले रहेकी थिइन् ।
अब अर्को अन्तिम अडिसन यही १० गते हुने बताईएको छ । अडिसनको ८ देखि १४ उमेर समूहका बालबालिकाले सहभागी हुन पाउने व्यवस्था मिलाईएको छ । अडिसन पश्चात छानिएका बालबालिकाहरुलाई प्रशिक्षकहरुले र्याम्प वाल्क, व्यक्तित्व विकास, बोल्ने शैली, स्वीमिङ, प्रश्नोत्तर क्षमता र योगाको प्रशिक्षण तालिम अवधिमा दिइनेछ ।
