असार १३काठमाडौँ । सत्तारुढ दल कांग्रेसले केन्द्रीय कार्यालय विस्तारका लागि सानेपामा १९ आना जग्गा र तीनतले घर किन्ने भएको छ । कांग्रेस केन्द्रीय कार्यालयका मुख्य सचिव कृष्णप्रसाद पौडेलका अनुसार केन्द्रीय कार्यालय भवन रहेको सानेपा ललितपुरको कार्यालय परिसरलाई अझ फराकिलो बनाउन थप जग्गा किन्न लागिएको हो ।
कार्यालयलाई थप व्यवस्थित बनाउने उद्देश्यका साथ कार्यालय अगाडिपट्टी रहेको १९ आना ९एक रोपनी तीन आना तीन पैसा ० जग्गा र सोही जग्गामा बनेको तीन तले घर खरिद गर्ने निर्णय गरिएको मुख्य सचिव पौडेलले जानकारी दिएका छन् ।
कांग्रेसले अमिरमान अमात्यबाट घरजग्गा किन्न लागेको हो । बुधबार कांग्रेसले १ वर्षभित्र पास गर्ने गरी जग्गा खरिदका लागि अमात्यलाई ५० लाख रुपैयाँ बैना दिइसकेको छ । महामन्त्रीद्वय गगन थापा, विश्वप्रकाश शर्मा र कोषाध्यक्ष उमेश श्रेष्ठको उपस्थितिमा जग्गा धनीसँग सम्झौता भएको हो ।
यो जग्गा खरीद पछि काँग्रेसको पार्टी कार्यलय विस्तार गर्ने योजना रहेको छ ।
