राजसंस्था पुर्नस्थापना र हिन्दुराष्ट्रको माग गर्दै दोस्रो चरणको आन्दोलनको घोषणा गर्न बोलाईएको कार्यक्रम नै आन्तरीक विवादका कारण विथोलिएको छ ।
संयुक्त जनआन्दोलन समितिका संयोजक नवराज सुवेदीको संयोजकत्वमा बसेको बैठकमा सहभागीहरुले नेतृत्व परिवर्तनको माग गर्दैै नाराबाजी गरेपछि आन्दोलनका कार्यक्रम घोषणा नगरी स्थगित भएको छ।
बैठकमा राप्रपा अध्यक्ष राजेन्द्र लिङ्देन अनुपस्थित भएको अवस्थामा सुवेदीले आन्दोलनका नयाँ कार्यक्रम घोषणा आजै गरिने बताएपछि सहभागी नेता कार्यकर्ताअसन्तुष्ट बनेका हुन्। त्यसपछि उनीहरुले नाराबाजी थालेका थिए।
बैठकमा होहल्ला भएपछि उनले बैठक स्थगित भएको घोषणा गरेका छन्।
राजसंस्था र हिन्दु राष्ट्र पुर्नस्थापनको माग गर्दै राजावादीहरुले जेठ १५ गतेदेखि आन्दोलन सुरु गरेका थिए। एक साताका लागि तय भएको आन्दोलन सकिएपछि नयाँ कार्यक्रम घोषणा गर्न बैठक आयोजना गरिएको हो।
