विपक्षी दलको बैठकले भिजिट भिसा प्रकरणमा मुछिएका गृहमन्त्री रमेश लेखकले अनुसन्धान प्रक्रियामा सहयोग गर्न राजीनामा दिनुपर्ने निष्कर्ष निकाल्दै सदन चल्न नदिने बताएपछि बैठक प्रभावित भएको छ । बैठक तीन घण्टाका लागि सूचना टाँसेर स्थगित गरिएको छ ।
विपक्षी दलहरू नेकपा माओवादी केन्द्र, राष्ट्रिय स्वतन्त्र पार्टी र नेकपा एकीकृत समाजवादी पार्टीको संयुक्त बैठकले यस प्रकरणमा आवश्यक छानबिन गर्नका लागि गृहमन्त्रीले मार्ग प्रशस्त गर्नुपर्ने निष्कर्ष निकालेको हो।
ुआवश्यक छानबिन गर्नको लागि मार्ग प्रशस्त गर्न वर्तमान गृहमन्त्रीज्यूले छानबिनको परिणाम नआएसम्म, अनुसन्धान प्रभावित नगर्नको लागि राजीनामा दिएर सहयोग गर्नु पर्ने बिपक्षीहरुको अडान यथावत छ ।
गृहमन्त्रीको राजीनामापछि प्रधानमन्त्रीले त्यसको जिम्मेवारी तोकेर सदनलाई जानकारी दिन पनि बिपक्षीले माग गरेका छन् ।
प्रधानमन्त्री र काँग्रेस गृहमन्त्रीले राजीनामा दिनु नपर्ने भन्दै सदन खोलिदिन आग्रह गर्दै आएका छन् ।
