भोली जठ १५ गते एमाले र राजादीको कार्यक्रम एकै स्थानमा हुने भएको छ ।
जिल्ला सुरक्षा समिति काठमाडौँको बैठकले एमालेले गर्ने गणतन्त्र उत्सवको कार्यक्रम २ बजेसम्ममा सक्ने र त्यसपछि राजावादीको कार्यक्रमका सोही स्थानमा गर्ने गरी सबै पक्षबीच सहमती भएको हो।
दुवै पक्षले रत्नपार्कमै कार्यक्रम गर्ने अडान लिएपछि काठमाडौँका प्रमुख जिल्ला अधिकारी ऋषिराम तिवारीले राप्रपाका अध्यक्ष राजेन्द्र लिङ्देनसँग छलफल गरेर गणतन्त्र उत्सवको कार्यक्रम सकिएपछि राजावादीहरूको कार्यक्रम सुरु गर्न समन्वय गरेका थिए। जसमा लिङ्देन सहमत भएका हुन्।
दुवै पक्षसँग समन्वय गरेपछि जिल्ला सुरक्षा समितिको बैठकले सोही अनुसारको सुरक्षा योजना बनाएको काठमाडौँ प्रहरी प्रमुख एसएसपी विश्व अधिकारीले बताए।
काठमाडौँका सीडीओसँगको संवादमा लिङ्देनले दिउँसो मात्रै कार्यक्रम सुरु गर्ने गरी सूचना गर्ने र त्यही अनुसारको तयारी गर्ने बताएका छन्। यस्तै २ बजेसम्ममा कार्यक्रम सक्न एमालेलाई पनि भनिएको छ।
