जेठ १४ काठमाण्डौँ । राजसंस्था पुनस्थापनाको लागि भन्दै राप्रपा, राप्रपा नेपाल सहित राजावादी शक्तिले भोली जेठ १५ गते रत्नपार्कमा आन्दोलन गर्ने घोषणा गरेको छ ।
जनआन्दोलन परिचालन समितिका संयोजक नवराज सुवेदीले अनुमति लिएर ससारमा काँही पनि आन्दोलन नहुने भन्दै भद्र अवज्ञा र सत्याग्रह सहितको आन्दोलन रत्नपार्कबाटै थालिने बताएका छन् ।
आन्दोलन समितिले प्रदर्शन स्थलको अनुमतिका लागि प्रशासनमा निवेदन दिएको छैन ।
भोली नै एमालेले दरबारमार्गमा प्रदर्शन गर्दैछ । प्रधानमन्त्री ओलीले आन्दोलनमा प्रोटोकल नहुने भन्दै दिएको अभिव्यक्ति र काठमाण्डौँ नियन्त्रणमा लिन निर्देशन दिएका थिए । जसको सर्वत्र विरोध भईरहेको छ ।
यसैबीच भोलीको दुबै पक्षको प्रदर्शनलाई भड्किन नदिन प्रहरीले विभिन्न रणनीति बनाएको छ ।
प्रहरीले संयमता अपनाउदै निगरानी र आवस्यक परेमा बल प्रयोगका लागि तयारी गरेको छ । उपत्यकाका विभिन्न प्रहरी ईन्चार्जहरुलाई प्रधान कार्यलयले प्रदर्शनको सुक्ष्म निगरानी र सुरक्षा व्यवस्था चुस्त बनाउन निर्देशन दिएको छ । करीब ४५ सय प्रहरी भोली परिचालित हुने बताईएको छ ।
