नेपाली कांग्रेसका नेता डा। शेखर कोइरालाले गृहमन्त्री रमेश लेखकलाई नैतिकताका आधारमा राजीनामा दिएर छानविनमा सहयोग गर्न आग्रह गरेका छन् ।
शनिबार विराटनगर विमानस्थलमा सञ्चारकर्मीसँग कुरा गर्दै कोइरालाले अध्यागमन विभागमा भएको भ्रष्टाचारका विषयमा कुरा उठिसकेपछि राजीनामा दिएर छानबिनका लागि मार्गप्रशस्त गर्न गृहमन्त्री लेखकलाई सुझाव दिएका हुन्।
यस क्रममा कोइरालाले विगतमा केही मन्त्रीले राजीनामा दिएर छानबिनमा सघाएको स्मरण लेखकलाई गराएका छन्।
“गृह मन्त्रालय त उहाँकै अन्डरमा छ नि त’, नेता कोइरालाले भने, ‘उहाँले नैतिकताको हिसाब म क्लिन छु, मैले राजीनामा गरेँ। छानबिन समिति बनाउनुस् गर्नुहोस् भने भइहाल्यो नि। त्यसले मोरल स्ट्याटस देखिन्छ।’ कोईरालाले भने ।
भिजिट भिसा प्रकरणमा गृहमन्त्री लेखकको समेत संलग्नता रहेको चौतर्फी आरोप लागेपछि उनीमाथि नैतिक दबाब बढ्दै गएको छ ।
