बैशाख २० काठमाण्डौँ । नेकपा माओवादी केन्द्रका अध्यक्ष प्रचण्डले आफूले नेपालमा समाजवादको आधार तयार पारेर मात्र यो संसारबाट विदा लिने उद्घोष गरेका छन् ।
आज पार्टीको दक्षिणकाली नगरपालिकाको चौथो नगर सम्मेलनको उद्घाटन गर्दै प्रचण्डले समाजवादको आधार तयार गरेर विदा लिने संकल्प आफूले लिएको बताए ।
‘जसरी म अहिले ७१ वर्ष भए पनि नयाँ क्रान्तिको नेतृत्व गर्ने र समाजवादको आधार तयार पारेर मात्रै यो दुनियाँबाट जाने संकल्पमा छु । तपाईंहरूले पनि यो आँट गर्नुभयो भने यो देशको राजनीतिक रंगमञ्च बदल्न सक्नुहुनेछ ।’
तराई मधेश जागरण अभियानका क्रममा एक करोड बढी जनतासँग साक्षात्कार गरिएको भन्दै यसबाट आफू निकै उत्साहित भएको प्रचण्डको भनाई छ ।
दक्षिणकाली क्षेत्रमा आफूले ६४ सालमा चुनाव लड्दाको जस्तै उत्साह ८२ सालमा आफूले पाएको भन्दै प्रचण्डले अबको निर्वाचन माओवादीले एक्लै जित्ने दाबी गरे ।
सम्मेलनमा महिलाहरुको सहभागीता उत्साहजनक देखिएको भन्दै महिला उत्साहित भएर सहभागीता बढेपछि निर्वाचन जित्ने आधार बनेको देखिने उनको भनाई छ ।
भ्रष्टाचारको बिरुद्ध र सुसासनका पक्षमा आफू नेतृत्वको सरकारले ईतिहासकै रेकर्ड ब्रेक गर्ने गरी काम गरेको उनको भनाई छ ।
चीन र भारतसँग पनि रेकर्ड ब्रेक हुने गरी आफूले सम्झौता गरेको, नेपाल , भारत र बंगलादेशबीच बिद्युत व्यापार सम्झौता जस्ता ऐतिहासिक काम आफूले गरेको उनको भनाई छ ।
चीन र भारतसँग पनि रेकर्ड ब्रेक हुने गरी आफूले सम्झौता गरेको, नेपाल , भारत र बंगलादेशबीच बिद्युत व्यापार सम्झौता जस्ता ऐतिहासिक काम आफूले गरेको उनको भनाई छ ।
