रामेछापको दोरम्बा शैैलुङ गाउँपालिका ७ मा स्कार्पियो दुर्घटना हुँदा नौ जना घाइते भएका छन्।
शैैलुङ मन्दिर दर्शन गरी काठमाडौँ फर्किने क्रममा ०२८ प ००६० नम्बर प्लेटको स्कार्पियो दोरम्बा सैलुङ गाउँपालिका ७ स्थित भूमिस्थान आइपुग्दा दुर्घटना भएको हो ।
प्रहरीका अनुसार चन्द्रागिरी नगरपालिका का ६७ वर्षीय धनबहादुर गोपाली गम्भीर घाइते भएको र अन्य सबैको अवस्था सामान्य रहेको छ।
घाईते हुनेहरुमा काठमाडौं थानकोटका ६६ बर्षिय रामकेशरी गोपाली, २० बर्षिय सफी गोपाली, ललितपुरको महालक्ष्मीस्थानका ४८ बर्षिया कृष्णलाल श्रेष्ठ, सोहि स्थानका ४२ बर्षिया तीर्थकेशरी श्रेष्ठ, ४८ बर्षिया शान्ति श्रेष्ठ, २० बर्षिया कृति श्रेष्ठ, २१ बर्षिया उषा श्रेष्ठ, र भक्तपुर ठिमी न.पा.६ का ४४ बर्षिया राजन बुढाथोकि रहेका छन् ।
इमाडोलबाट २०८१ चैत ३१ गते इमाडोलबाट मुडे हुँदै ठूलो शैैलुङ पुगेको तिर्थयात्री बोकेको स्कारपियो राति खोलाखर्कमा बसेको थियो । आज बिहान ठुलो शैलुङको दर्शन गरेर काठमाडौं फर्किने क्रममा दोरम्बा शैलुङ गाउपालिका ७ मा ब्रेक फेल भएर दुर्घटना भएको चालकले बताएका छन् ।
