यू–१९ विश्वकपको एसिया छनोटमा नेपालले लगातार दोस्रो जित हात पारेको छ। सोमबार माथिल्लो मूलपानी क्रिकेट मैदानमा नेपालले ओमानलाई ८ विकेटले पराजित गरेको हो।
३८औँ ओभरमा ११७ रन बनाउँदा ओमान अलआउट भएपछि नेपालले ११८ रनको लक्ष्य पाएको थियो। यो लक्ष्य १४.३ ओभरमा २ विकेटको क्षतिमा पूरा गर्यो।
नेपालको जितमा ओपनर शाहिल पटेल र निरजकुमार यादवले उत्कृष्ट ब्याटिङ गरेर सहज जीत तर्फ डोर्याए। पटेलले ४२ बलमा ४४ र यादवले ३१ बलमा ४६ रनको योगदान गरे। नरेन भट्ट १२ तथा सन्तोष यादव १० रनमा अविजित रहे।
ओमानका सौम्या भाविन सम्पतले २ विकेट लिए। त्यसअघि युवराज खत्रीको घातक बलिङसामु ओमान निर्धारित ५० ओभरसम्म पनि टिक्न सकेन।
नेपालका युवराज खत्रीले ५ विकेट सन्तोष यादवको नाममा २ विकेट रह्यो। दयानन्द मण्डल, अपराजित पौडेल र अशोक धामीले समान १÷१ विकेट लिए। नेपालले पहिलो खेलमा युएईलाई हराएको थियो । नेपालले अब अफगानिस्तान र कुवेत बिरुद्ध खेल्न बाँकी छ ।
यो समुहमा शीर्ष स्थानमा रहे नेपाल विश्वकपका लागि छनौट हुनेछ ।
