नेकपा (माओवादी केन्द्र) का अध्यक्ष पुष्कमल दाहाल प्रचण्डुले जनताको र राजनीतिक दलहरूको उदारतालाई कमजोरी नठान्न पूर्वराजा ज्ञानेन्द्र शाहलाई चेतावनी दिएका छन्।
समाजवादी मोर्चाले भृकुटीमण्डपमा गरेको कार्यक्रमलाई सम्बोधन गर्दै उनले इतिहासलाई फर्काउने दुस्साहस नगर्न चेतावनी दिएका हुन्।
“नेपाली जनताको र नेपाली राजनीतिक दलको उदारतालाई कमजोरी ठानेर इतिहासलाई पछाडि फर्काउने दुस्साहस नगरियोस्, उनले भने, अब अर्को गल्ती गरे भने उनले भोग्न केही पनि बाँकी रहँदैनन्। खबरदार।”
प्रचण्डले तिनकुनेमा राजावादीहरुले अराजकता मच्चाएको र केही मान्छे मरोस र देशभर आतंक सृजना गर्न सकिन्छ भनेर उग्रता देखाएको बताए ।
उृनले राजावादीले एक लाख मान्छे उतारे गणतन्त्रवादीले एक करोड मान्छे उतार्ने पनि दाबी गरे ।
गणतन्त्र चलाउने क्रममा केही कमजोरी भएको र त्यसैमा खेलेर प्रतिगामीहरु सल्बलाएको प्रचण्डको भनाई छ ।
अब समाजवादी क्रान्ति मार्फत देशलाई समाजवादी गणतन्त्रमा बदल्न लाग्ने पनि बताए ।
