एशिया कप छनौट चरणको पहिलो खेलमा नेपाल मलेशियासँग पराजित भएको छ । मलेशियामै भएको खेलमा घरेलु टोलीसँग नेपाल दुई शुन्य गोल अन्तरले पराजित भयो ।
मलेसियाले २९ मिनेटमा अग्रता लियो। उसका लागि हेक्टर हावलले पहिलो गोल गरे।
मलेसियाका लागि ७० मिनेटमा कोर्भिन ओङ अग्रता दोब्बर पारेका थिए।
मलेसियाको जोहरस्थित सुल्तान इब्राहिम रंगशालामा भएको खेलमा नेपालमााथि मलेसिया हाबी भएको थियो।
छनोटमा नेपाल समूह ुएफु मा छ। नेपालको समूहमा भियतनाम, लाओस र मलेसिया छन्।
यो खेल नेपालमा हुनु पर्ने भए पनि दशरथ रंगशालालाई एसियाली फुटबल महासंघले मान्यता नदिँदा मलेसियामा भएको हो।
छनोटअघि नेपालले शुक्रबार सिंगापुरसँग अन्तर्राष्ट्रिय मैत्रीपूर्ण खेल खेलेको थियो। खेलमा नेपालले सिंगापुरविरूद्ध ऐतिहासिक १–० गोलको जित निकाल्यो।
मलेसियाविरूद्ध अन्तर्राष्ट्रिय फुटबलमा नेपाल फेरी पनि असफल रह्यो ।
छनोटमा मलेसियासँग खेलेपछि अब नेपालले जुन १० मा लाओससँग अवे म्याच, अक्टोबर ९ मा भियतनामसँग अवे म्याच, अक्टोबर १४ भियतनामसँगै होम म्याच, नोभेम्बर १८ मा मलेसियासँग होम म्याच र २०२६ मार्च ३१ मा लाओससँग होम म्याच खेल्ने तय छ। सन् २०२७ मा साउदी अरेबियामा हुने एसियन कपमा लागि समूह विजेता मात्र छनोट हुनेछ।
