लामो समयदेखि निराश भईरहेका नेपाली दर्शकलाई फुटबलले एउटा सुखद खुसी दिएको छ ।
आज नेपालले ३६ वर्षपछि पहिलो पटक सिंगापुरलाई उसकै घरमा पराजित गरेर ईतिहाँस रचेको हो ।
सिंगापुरको नेसनल स्टेडियममा भएको खेलमा नेपालले सिंगापुरलाई १–० ले हराएको हो। नेपालका लागि जिलेस्पी जंग कार्कीले निर्णायक गोल गरे। खेलको १२औं मिनेटमा जिलेस्पीले गोल गरेका हुन्। उनले मनिष डाँगीको असिस्टमा गोल गरेका हुन्।
उनकै गोलमा नेपालले ३६ वर्षमा नेपालले सिंगापुरलाई घरेलु मैदानमा हराएको हो। यसअघि पछिल्लो पटक सन् १९८९ मा नेपालले विश्वकप छनोटअन्तर्गत सिंगापुरविरुद्ध खेलेको थियो। जहाँ दुबै खेलमा नेपाल पराजित भएको थियो ।
खेलको १२ औं मिनेटमा जिलेप्सीले गरेको गोल नेपाललाई जित दिलाउन पर्याप्त रह्यो । नयाँ मुख्य प्रशिक्षकमा नियुक्त भएयता म्याट रसको नेतृत्वमा नेपालले खेलेको यो पहिलो खेल हो ।
अन्तर्राष्ट्रिय फुटबलमा नेपालले सिंगापुरलाई हराएको यो नै पहिलो पटक हो । यसअघिका दुई औपचारिक खेलमा सिंगापुर नै विजयी रहेको थियो । यस्तै नेपालले सिंगापुरलाई गोल गरेको समेत यो पहिलो पटक हो ।अब नेपालले एसिया कप छनोट तेस्रो चरणमा मलेसियाको सामना गर्दैछ ।
्
